හෝර්මූස් සමුද්ර සන්ධිය විවෘත වීම සහ එය වේගයෙන් විවෘත වීම පිළිබඳව චීන ජනාධිපති ෂී ජින් පිං ඉතා සතුටු වන එක්සත් ජනපද ජනාධිපති ඩොනල්ඩ් ට්රම්ප් පවසනවා.
Truth Social සමාජ මාධ්යයේ සටහනක් තබමින් ට්රම්ප් ජනධිපතිවරයා මේ බව සඳහන් කරනවා.
මේ අතර මැයි 14-15 දිනවල චීනයේ පැවැත්වීමට නියමිත ෂී ජින් පිං ජනපතිගේ සහ තමා අතර හමුව ඓතිහාසික හමුවක් වනු ඇති බවයි ට්රම්ප් තවදුරටත් පවසන්නේ.
ඉරානයේ තෙල් මිලදී ගන්නා විශාලතම පාරිභෝගිකයා චීනය වන අතර, එම තෙල්වලින් සියයට 38ක් පමණ ලබාගන්නේ හෝර්මූස් සමුද්ර සන්ධිය හරහායි.
ලෙබනන් සටන් විරාමය ක්රියාත්මක වන අතරතුර, ඉරාන විදේශ අමාත්යවරයා හෝමූස් සමුද්ර සන්ධිය නැව් සඳහා විවෘත බව ප්රකාශ කළා.
ඩොනල්ඩ් ට්රම්ප් ඔහුගේ Truth Social සමාජ මාධ්ය වේදිකාවේ සටහනක් තබමින් මෙම පියවරට ප්රශංසා කළ අතර, එක්සත් ජනපද-ඉරාන ගිවිසුමක් සම්පූර්ණ වන තුරු ඇමරිකාව ඉරාන වරායන් අවහිර කිරීම පවතිනු ඇතැයි ද අවධාරනය කළා.
මේ අතර හෝමූස් සමුද්ර සන්ධිය නැව් සඳහා විවෘතවීමත් සමඟ තෙල් මිල පහත වැටීමට හේතු වී තිබෙනවා.
