තමන් විසින් පවත්වාගෙන යන ආයතනයක සේවකයෙකු අත්අඩංගුවට ගැනීම පිළිබඳ විමසීමට හෝමාගම පොලිසියට ගිය අවස්ථාවේ දී පොලිසිය විසින් තම සැමියාට සහ සේවකයින් තිදෙනෙකුට අමානුෂික ලෙස පහර දී අත්අඩංගුවට ගෙන ඇතැයි ව්‍යාපාරික කාන්තාවක් චෝදනා කරනවා.
නමුත් පොලිසිය පවසන්නේ හෝමාගම නගරයේ බීමත්ව කලහකාරී ලෙස හැසිරීම නිසා අත්අඩංගුවට ගත් පුද්ගලයෙකු බලහත්කාරයෙන් රැගෙන යාමට පැමිණි සිව්දෙනෙකු මෙලෙස අත්අඩංගුවට ගත් බවයි.
පසුව ව්‍යාපාරිකයෙකු ඇතුළු සිව් දෙනෙකු එසේ අත්අඩංගුවට ගත් පුද්ගලයා බලහත්කාරයෙන් රැගෙන යාමට පැමිණි බව ද හෝමාගම පොලිසිය පවසනවා.
එහිදී, ඇති වූ ගැටුමකින් තුවාල ලැබූ උප පොලිස් පරීක්ෂකවරයෙකු හෝමාගම මූලික රෝහලට ඇතුළත් කර තිබෙනවා.
අනතුරුව, දැඩි පරිශ්‍රමයක් දරා සැකකරුවන් සිව් දෙනෙකු අත්අඩංගුවට ගත් බව පවසන පොලිසිය සඳහන් කරන්නේ රාජකාරියට බාධා කිරීම, පොලිස් නිලධාරියෙකුට තුවාල සිදු කිරීම, සැකකරුවෙකු පැහැර ගැනීමට තැත් කිරීම සහ බලහත්කාරය පෑම යන චෝදනා මත ඔවුන් අධිකරණයට ඉදිරිපත් කරන බවයි.
එලෙස අත්අඩංගුවට ගත් පිරිස ද පොලිස් ආරක්ෂාව යටතේ හෝමාගම රෝහලේ ප්‍රතිකාර ලබනවා.
තම ව්‍යාපාරික ස්ථානයේ සේවකයෙකු අත්අඩංගුවට ගැනීමේ සිද්ධියක් සම්බන්ධයෙන් තොරතුරක් දැනගැනීම සඳහා හෝමාගම පොලිසියට ගිය අවස්ථාවේදී, ප්‍රහාරයට ලක් වූ බව සිද්ධියට මුහුණ දුන් තරුණයින් පවසනවා.
හෝමාගම පොලිසිය මේ වාගේ වැඩ කරනවා.කහ ඉරෙන් මාරු වුණ කෙනෙකුට වරද පටවලා කුඩු ගංජාදාල දවස් 14ක් හිරේ දාන්න හදපු සාජන්ට විරුද්ධව පොලිස්පතිට දාපු පැමිණිල්ලට මාස එක හමාරක්.තවම විමර්ශන නෑ.
කොහොමත් පොලිසියකින් මහජනතවට ගිහින් උන්ගෙන් සිදුවුනු වැරැද්දක් ගැන ප්‍රශ්න කරන්න බැ.. එහෙම අහපුවම උන් දෙන පිලිතුරු තමයි ඔය.
නඩුත් හාමුදුරුවන්ගේ බඩුත් හාමුදුරුවන්ගේ කියන්නේ ඔන්න ඔවට තමයි .
කාලකන්නි