ඕස්ට්රේලියාවේ, උතුරු කුවීන්ස්ලන්, කේන්ස් නගරයේ හෝටලයක් මතට හෙළිකොප්ටරයක් කඩා වැටී එරට වේලාවෙන් අද අලුයම 01:50ට පමණ මෙම අනතුරක් සිදුව තිබෙනවා.
මෙම අනතුරින් යානයේ නියමුවා ජීවිතක්ෂයට පත්ව ඇති අතර, අනතුර සිදුවන අවස්ථාවේ දී යානය තුළ සිට ඇත්තේ නියමුවා පමණයි.
යානය කඩා වැටුණු, ඩබල් ට්රී බයි හිල්ටන් හෝටලයේ රැඳී සිටි අමුත්තන් දෙදෙනෙක් ද තුවාල ලබා රෝහල් ගතකර ඇති අතර ඔවුන්ගේ තත්ත්වය බරපතල නොවන බවයි වාර්තා වුණේ.
හෙළිකොප්ටරය කඩා වැටීමෙන් පසු එය ගිනි ගැනීමකට ලක්ව ඇති අතර, හෝටලයේ සිටි සිය ගණනක් පිරිස ඉන් ඉවත් කිරීමටයි බලධාරීන් කටයුතු කර ඇත්තේ.
විදෙස් මාධ්ය වාර්තා කරන්නේ මෙම යානය නිසි අවසරයකින් තොරව ගුවන්ගත කර ඇති බවයි.
හෙලිකොප්ටරය මෙලෙස කඩා වැටීමට පෙර හෝටලය පසුකරමින් දෙවරක් පියාසර කරනු දුටු බව අසල සිටි පිරිස් පවසා තිබෙනවා
