වෙළඳපොළේ අලෙවියට තබා ඇති මත්පැන් බෝතල්වල ව්යාජ ආරක්ෂිත ස්ටිකර් ඇති බවට ලද තොරතුරු මත මේ වනවිට වැටලීම් ආරම්භකර ඇති බව සුරාබදු දෙපාර්තමේන්තුව පැවසුවා.
ඒ, අනුව සිදුකළ වැටලීම්වල දී නැගෙනහිර පළාතේ මත්පැන් නිෂ්පාදන ආයතන 03කට අයත් මත්පැන් බෝතල් විශාල ප්රමාණයක ව්යාජ ආරක්ෂිත ස්ටිකර් අලවා තිබිය දී සොයා ගැනීමට හැකි වූ බවයි සුරාබදු දෙපාර්තමේන්තුව සඳහන් කළේ.
මේ අතර එම මත්පැන් නිෂ්පාදන ආයතන 03 සම්බන්ධයෙන් ගනු ලබන නීතිමය ක්රියාමාර්ග සම්බන්ධයන් දිනක් ඇතුළත තමන්ට වාර්තාවක් ලබාදෙන ලෙස මුදල් රාජ්ය අමාත්ය රංජිත් සියඹලාපිටිය විසින් අදාළ නිලධාරීන්ට උපදෙස් ලබා දී තිබෙනවා.
මත්පැන් වර්ගවල නිර්ව්යාජ භාවය, ප්රමිතිය, අදාළ බදු ගෙවන බවට තහවුරුකර ගැනීම සඳහා මත්පැන් බෝතල්වල ආරක්ෂිත ස්ටිකර් ඇලවීමේ ක්රමවේදය සුරාබදු දෙපාර්තමේන්තුව විසින් හඳුන්වා දෙනු ලැබුවා.
