ගම්පොළ – දවුලගල පොලිස් වසමේ කොටගදෙණිය ප්‍රදේශයේ බටු වගා කරන වත්තක තිබී පුද්ගල මළසිරුරක් හමු වී තිබෙනවා.
අද (20) උදෑසන මෙම මළසිරුර හමු ව ඇත්තේ ප්‍රදේශවාසීන් සිදු කළ දැනුම්වත් කිරීමක් අනුවයි.
මෙලෙස මියගොස් ඇත්තේ කඩුගන්නාව ප්‍රදේශයේ පදිංචිකරුවෙකු වන 62 හැවිරිදි කේ.පී. විජේරත්න නමැති අයෙක්.
මරණකරු රස්සාව වශයෙන් සිදු කර ඇත්තේ කුලී රස්සා බවත් හෙතෙම කඩුගන්නාවේ සිට දවුලගල – කොටගදෙණියේ නිවසකට 18 වැනි දින පැමිණ ඇත්තේ පුද්ගලයෙකු රැකබලා ගැනීමට බවත් වාර්තා වනවා.
අනතුරුව ඔහු යළිත් ඊයේ (19) දින නිවස වෙත යන බව පවසමින් පිටත්ව ගිය ද ඔහු නිවසට ගොස් නැහැ.
අදාළ මරණකරු කුලී රැකියාවට ආ නිවස අසල පිහිටි බටු වගා යායකට ඇතුල් වී ඇති අතර එහි සවිකර තිබූ අනවසර විදුලි කම්බියක් ස්පර්ශ වීමෙන් ඔහු මියගොස් තිබෙනවා.
කෙසේවෙතත් මරණකරු සොර සිතින් අනුන්ගේ බටු වත්තකට හොරෙන් ඇතුල් වී පොහොර බෑගයක් පිරෙන්නටම බටු කඩා දමා ඇති බවයි නිරීක්ෂණය වී ඇත්තේ.
ඒ මරණකරු අසල ම ඔහු කැඩුවේ යැයි සැක කළ හැකි පොහොර උරයක් තුළ බටු පුරවා තිබීම හේතුවෙන්.
සිද්ධිය සම්බන්ධයෙන් පශ්චාත් මරණ පරීක්ෂණ පැවැත්වීමට නියමිත අතර දවුලගල පොලිසිය වැඩිදුර පරීක්ෂණ සිදු කරනවා.
කුලී රස්සාව වෙනුවට නිදහස් කම්කරු රැකියාව කියල යොදන්න පුළුවන්.