රේගු බදු නොගෙවා නීති විරෝධී ලෙස මෙම වසරේ පළමු මාස 03 තුළ කටුනායක ගුවන්තොටුපොළ හරහා මෙරටට ගෙන ඒමට උත්සාහ කිරීමේ දී ගුවන්තොටුපොළ රේගුව විසින් අත්අඩංගුවට ගෙන රාජසන්තක කළ විදේශීය දුම්වැටි තොගයක් විනාශ කිරීම අද (30) සිදු කෙරුණා.
විදේශීය දුම්වැටි ලක්ෂ 31ක් මෙලෙස විනාශ කෙරුණු අතර, එම දුම්වැටි තොගය විනාශ කිරීම සඳහා ලංකා දුම්කොළ සමාගම වෙත භාරදීම සිදුකෙරුණේ රේගු අධ්යක්ෂ ජෙනරාල්වරයාගේ ප්රධනත්වයෙන්.
මෙම දුම්වැටි තොගය විනාශ කිරීම කෙරවලපිටිය කසල කළමනාකරණ පුනර්ජනනීය බලශක්ති ඒකකයේ දී සිදුකෙරුණු අතර, එලෙස විනාශ කළ විදෙස් දුම්වැටි තොගයේ වටිනාකම රුපියල් මිලියන 473 කට අධිකයි.
මෙම දුම්වැටි තොගයෙන් රජයට අහිමි වූ බදු ප්රමාණය රුපියල් මිලියන 1,220 කට ආසන්න බවයි රේගුව සඳහන් කළේ.
