හෙරොයින් සහ අයිස් තොගයක් සමඟ අයෙක් වැල්ලම්පිටියේ දී අල්ලයි

හෙරොයින් කිලෝ 13යි ග්‍රෑම් 372 ක් සහ අයිස් මත්ද්‍රව්‍ය කිලෝ 03යි ග්‍රෑම් 580ක් සමඟ පුද්ගලයෙක් අත්අඩංගුවට ගෙන තිබෙනවා.

වැල්ලම්පිටිය, කොටිකාවත්ත ප්‍රදේශයේ දී ඊයේ (26) දින මෙම සැකකරු අත්අඩංගුවට ගෙන ඇති බවයි පොලිසිය පැවසුවේ.

අත්අඩංගුවට ගැනුණු සැකකරු කඩුවෙල, කොරතොට ප්‍රදේශයේ පදිංචි 27 හැවිරිදි වියේ පසුවන අයෙක්.

මාලඹේ පොලිසියේ නිලධාරීන් පිරිසක් විසින් මෙම මත්ද්‍රව්‍ය තොගය සමඟ සැකකරු අත්අඩංගුවට ගෙන ඇති අතර, ඔහු වැඩිදුර විමර්ශන සඳහා වැල්ලම්පිටිය පොලිස් ස්ථානය වෙත භාර දී තිබෙනවා.

මෙලෙස සොයාගත් මත්ද්‍රව්‍ය තොගයේ වටිනාකම රුපියල් කෝටි 80කට ආසන්න බවයි පොලිසිය පැවසුවේ.