හෙට (08) සහ අනිද්දා (09) ක්රියාත්මක කෙරෙන රාජ්ය සේවක වැඩවර්ජනය සඳහා සමස්ත ලංකා හෙද සංගමය සහභාගී නොවන බව පවසනවා.
එම සංගමයේ ප්රධාන ලේකම් එස්.බී. මැදිවත්ත ප්රකාශ කර සිටියේ වැඩවර්ජන කිරීම හරහා සිදුවෙන්නේ රෝගීන් ජනතාව අපහසුතාවට පත්වීම බවයි.
තම සංගමය මීට පෙර ද වැඩවර්ජන උද්ඝෝෂණ සිදුකරත් එමඟින් රජයට දැන්වීමක් සිදුකිරීමට නොහැකි බවයි ඔහු කියා සිටියේ.
ප්රශ්න ගැටලු සෞඛ්ය ක්ෂේත්රයේ පැවතිය ද මෙය ඒ සඳහා අවස්ථාවක් නොවන බවත්, ආණ්ඩුව පළවා හැරිය හැකි ප්රථම අවස්ථාවේම ජනතාව සමඟ එක්ව එය සිදුකරන බවයි ලේකම්වරයා වැඩිදුරටත් සඳහන් කළේ.
මේ අතර හෙට (08) දිනයේ සිදු කිරීමට නියමිත රාජ්ය සේවකයින්ගේ වර්ජන ක්රියාමාර්ගය සඳහා තැපැල් වෘත්තිය සමිතිය සහයෝගය ලබාදෙන බව එහි කැඳවුම්කරු චින්තක බණ්ඩාර පැවසුවා.
