බටහිර ඉන්දීය කොදෙව් කණ්ඩායම් සමඟ හෙට (26) පැවැත්වෙන අවසන් එක්දින තරගයේ දී ශ්රී ලංකා කණ්ඩායමේ විශාල වෙනස්කම් සිදුකිරීමට බලාපොරොත්තු නොවන බව ශ්රී ලංකා කණ්ඩායමේ පිතිකරණ පුහුණුකරු තිළිණ කණ්ඩම්බි පවසනවා.
අද (25) දහවල් පල්ලේකැලේ ක්රීඩාංගණයේ දී පැවති මාධ්ය හමුවට එක්වෙමින් කණ්ඩම්බි මේ බව සඳහන් කළා.
ඒ, අනුව හෙට තරගය සඳහා මේ වනවිට දක්ෂතා අතර සිටින ක්රීඩකයින් යොදාගැනීමට බලාපොරොත්තු වන බව ද ඔහු මෙහිදී පැවසුවා.
මේ අතර හෙට තරගයේ දී වේග පන්දු යවන ක්රීඩක දිල්ශාන් මදුසංඛට ක්රීඩා කිරීමේ වැඩි අවස්ථාවක් පවතින බව ද කණ්ඩම්බි මෙහිදී සඳහන් කර සිටියා.
දෙරට අතර තුන්වන සහ අවසන් එක්දින තරගය හෙට (26) පල්ලේකැලේ ක්රීඩාංගණයේ දී පැවැත්වීමට නියමිතයි.
