ප්රශ්නගත ඉමියුනෝග්ලොබියුලින් එන්නත සම්බන්ධයෙන් හිටපු සෞඛ්ය අමාත්ය කෙහෙළිය රඹුක්වැල්ලට අද (02) පෙරවරුවේ අපරාධ පරීක්ෂණ දෙපාර්තමේන්තුවට පැමිණ ප්රකාශයක් ලබාදෙන ලෙස මාලිගාකන්ද මහේස්ත්රාත්වරිය නියෝග කළා.
එම නියෝගයට අනුව හිටපු සෞඛ්ය අමාත්යවරයා අද (02) දිනයේ අපරාධ පරීක්ෂණ දෙපාර්තමේන්තුව හමුවට පැමිණීමට නියමිත බවයි වාර්තා වුණේ.
මාලිගාකන්ද මහේස්ත්රාත් අධිකරණය අදාළ නියෝගය නිකුත් කරමින් අමාත්යවරයාට විදෙස් ගමන් තහනමක් ද පැනවීමට ද කටයුතු කළා.
මෙම සිද්ධිය සම්බන්ධයෙන් විමර්ශන මෙහෙයවන අපරාධ පරීක්ෂණ දෙපාර්තමේන්තුව හිටපු සෞඛ්ය ඇමති කෙහෙළිය රඹුක්වැල්ලට මීට පෙර අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස දැනුම් දී තිබූ බව නීතිපතිවරයා වෙනුවෙන් නියෝජ්ය සොලිසිටර් ජනරාල් ලක්මිණි ගිරිහාගම අධිකරණය හමුවේ කරුණු දක්වමින් පැවසුවා.
නමුත් හිටපු සෞඛ්ය අමාත්යවරයා ඒ සඳහා කල් ඉල්ලා තිබූ බව සඳහන්කළ නියෝජ්ය සොලිසිටර් ජනරාල්වරිය අපරාධ පරීක්ෂණ දෙපාර්තමේන්තුවට නොපැමිණීම සම්බන්ධයෙන් ඔහු ඉදිරිපත් කළ එක් හේතුවක් අසත්ය බව ද අධිකරණයට දන්වා සිටියා.
මෙම කරුණු සැළකිල්ලට ගත් මාලිගාකන්ද මහේස්ත්රාත්වරිය අමාත්යවරයාට අද (02) දිනයේ අපරාධ පරීක්ෂණ දෙපාර්තමේන්තුවට පැමිණෙන ලෙස නියෝගය නිකුත් කරනු ලැබුවා.
