දඹුල්ල කණ්ඩලම යක්කුරාගල ප්රදේශයේ දී සිදුවූ පහරදීමකින් පුද්ගලයෙකු ජිවිතක්ෂයට පත්ව තිබෙනවා.
ඊයේ රාත්රී සිදු වූ ආරවුලක් අතර පිරිසක් විසින් මෙම පුද්ගලයාට ගසක බැඳ පහරදී ඇති බවටයි අනාවරණ වී ඇත්තේ.
මියගිය පුද්ගලයා ඔහුගේ බිරිඳගේ මවට දිගින් දිගටම පහරදී හිරිහැර කිරීම නිසා මෙම ඝාතනය බිරිඳගේ මවගේ සහෝදරයාගේ පුතෙකු විසින් සිදු කළ බව සඳහන්.
38 හැවිරිදි එම සැකකරු මේ වන විට දඹුල්ල පොලිසිය මගින් අත්අඩංගුවට ගෙන තිබෙනවා.
මියගිය පුද්ගලයා වයස අවරුදු 45ක දෙදරු පියෙක්. ඔහු කාලයක් පොලිස් නිලධාරියෙකු ලෙස සේවය කර ඇති අතර ඔහුගේ බිරිඳ බිරිද විදේශ ගතව සිටින බව ද සඳහන්.
අප වාර්තාකරු සඳහන් කළේ මියගිය පුද්ගලයාගේ පාදවල පිළිස්සුම් තුවාල ද දක්නට ලැබෙන බවයි.
ඔහු මියගොස් සිටි ස්ථානයට යාබදව ඇති පෙදෙසක ගිනි මැලයක් ද ගසා තිබු ආකාරය පොලිසිය විසින් හඳුනාගෙන තිබෙනවා.
මෘත ශරීරය පොලිස් ආරක්ෂාව යටතේ එම ස්ථානයේම තබා ඇති අතර මහේස්ත්රාත් පරීක්ෂණයක් පැවැත්වීමට නියමිතයි.
දඹුල්ල පොලිසියයි විමර්ශන සිදු කරන්නේ.
