මාලඹේ පොලිස් වසමේ පරාක්රම පාර, තලාහේන ප්රදේශයේ තම නිවසේ දී අද (17) උදෑසන වෙඩි තබාගෙන සියදිවි හානිකරගත් බව කියන හිටපු පොලිස්පති සී.ඩී වික්රමරත්නගේ මරණය සම්බන්ධයෙන් පොලිසිය විසින් මාධ්ය නිවේදනයක් නිකුත් කර තිබෙනවා.
සිය නිවසේ ආරක්ෂක නිලධාරියෙක් සතුව තිබූ පිස්තෝල අවියක් ඉල්ලා ගැනීමෙන් පසු එම ගිනි අවියේ තත්ත්වය පරීක්ෂා කිරීමට අවශ්ය බවට හිටපු පොලිස්පතිවරයා පවසා ඇති අතර, අදාළ ආරක්ෂක නිලධාරියා විසින් එම ගිනි අවියේ මැගසිනය ඉවත් කර ගිනි අවිය හිටපු පොලිස්පතිවරයාට ලබා දී ඇති බව ද අනාවරණ වී තිබෙනවා
කෙසේ වෙතත්, හිටපු පොලිස්පති සී.ඩී. වික්රමරත්න විසින් ඔහු සතුව පැවති වෙනත් උණ්ඩ යොදා මෙම වෙඩිතැබීම සිදුකරගෙන ඇති බවත් පොලිස් විමර්ශනවලදී අනාවරණය වී ඇති බවට වාර්තා වනවා.
මෙම සිදුවීම සම්බන්ධයෙන් හිටපු පොලිස්පති සී.ඩී. වික්රමරත්නගේ බිරිඳ පොලිසියට ලබා දුන් ප්රකාශනයක් අනුව, සිය පුත්රයකුගේ නඩු කටයුත්තක් සම්බන්ධයෙන් ඔහු දැඩි කම්පනයෙන් සිට ඇති අතර එහිදී ඔහුගේ පුත්රයා නඩු කටයුත්තට අදාළව, කිසියම් වෙලාවක් සිර මැදිරියේ රඳවා තබාගෙන සිටි නිසා එයට ඔහු කම්පා වී සිට ඇති බවත්, පැවසෙනවා.
wpDiscuz
