වෙඩි තබාගෙන සියදිවි හානිකරගත් බව කියන හිටපු පොලිස්පති සී.ඩී වික්රමරත්නගේ මරණය සම්බන්ධයෙන් පොලිසිය විසින් මාධ්ය නිවේදනයක් නිකුත් කර තිබෙනවා.
අද (17) දින උදෑසන, මාලඹේ පොලිස් වසමේ පරාක්රම පාර, තලාහේන ප්රදේශයේ තම නිවසේදී හිටපු පොලිස්පතිවරයෙකු වූ සී.ඩී. වික්රමරත්න වෙඩි වැදීමකින් තුවාල ලබා නැහෙනහිර කොළඹ ශික්ෂණ රෝහලට ඇතුලත් කිරීමෙන් පසු මියගොස් ඇති බවට මාලඹේ පොලිස් ස්ථානයට ලද පණිවිඩයක් මත විර්මශන ආරම්භ කර ඇති බව පොලිසිය විසින් නිකුත් කළ එම නිවේදනයේ සඳහන් වනවා.
මෘත ශරීරය පශ්චාත් මරණ පරීක්ෂණය සඳහා නැහෙනහිර කොළඹ ශික්ෂණ රෝහලේ තැන්පත් කර ඇති අතර බස්නාහිර පළාත දකුණ දිසා අපරාධ කොට්ඨාසය සහ මාලඹේ පොලිස් ස්ථානය මඟින් වැඩිදුර විර්මශන සිදු කරන බවයි පොලිසිය පවසන්නේ.
ශ්රී ලංකා පොලිසියේ 35 වන පොලිස්පතිවරයා ලෙස 2020.11.27 සිට 2023.11.23 දින දක්වා රාජකාරි කල සී.ඩී. වික්රමරත්න මියයන විට 63 වන වියේ පසුවුණා.
