සෞඛ්ය තත්ත්වය සැලකිල්ලට ගනිමින් හිටපු ජනාධිපති රනිල් වික්රමසිංහ කොළඹ ජාතික රෝහලට ඇතුළත් කිරීමට පියවර ගනිමින් සිටින බව බන්ධනාගාර ආරංචි මාර්ග සඳහන් කරනවා.
රක්ෂිත බන්ධනාගාර ගත කෙරුණු හිටපු ජනාධිපති රනිල් වික්රමසිංහ වෛද්ය උපදෙස් මත මේ වනවිට පසුවන්නේ බන්ධනාගාර රෝහලේයි.
අපරාධ පරීක්ෂණ දෙපාර්තමේන්තුව මඟින් අත්අඩංගුවට ගෙන අධිකරණයට ඉදිරිපත් කළ හිටපු ජනාධිපති රනිල් වික්රමසිංහ ලබන 26 වනදා දක්වා රක්ෂිත බන්ධනාගාර ගත කරන ලෙස කොළඹ කොටුව මහෙස්ත්රාත් අධිකරණය ඊයේ (22) නියෝග කළා.
මෙරට ඉතිහාසයේ විධායක ජනාධිපතිවරයෙක් අත්අඩංගුවට පත්වූ පළමු අවස්ථාව සහ රක්ෂිත බන්ධනාගාර ගත කළ පළමු අවස්ථාව ද මෙය වනවා.
මේ අතර රක්ෂිත බන්ධනාගාර ගත කර සිටින හිටපු ජනාධිපතිවරයාගේ සුවදුක් විමසීමට, හිටපු ජනාධිපති මහින්ද රාජපක්ෂ, විපක්ෂ නායක සජිත් ප්රේමදාස සහ විපක්ෂයේ මන්ත්රීවරුන් පිරිසක් අද (23) පෙරවරුවේ බන්ධනාගාර රෝහල වෙත පැමිණියා.
