ඉකුත් ජනාධිපතිවරණය ප්රකාශයට පත් කිරීමෙන් පසුව සුරාබදු පනතට පටහැනි ලෙස මත්පැන් බලපත්ර නිකුත් කිරීම තුළින් එවක මුදල් අමාත්ය රනිල් වික්රමසිංහ ඇතුළු වගඋත්තරකරුවන් මුලික මිනිස් අයිතිවාසිකම් උල්ලංඝනය කර ඇති බවට තීන්දුවක් ලබාදෙන ලෙස ඉල්ලා ශ්රේෂ්ඨාධිකරණය හමුවේ මූලික අයිතිවාසිකම් පෙත්සමක් ඉදිරිපත් කර තිබෙනවා.
මහනුවර ප්රදේශයේ මත්පැන් අලෙවි ව්යාපාරයේ නිරත පුද්ගලයන් දෙදෙනකු විසින් මෙම පෙත්සමක් ගොනු කළ බවයි දසත අධිකරණ වාර්තාකරු පැවසුවේ.
එහි වග උත්තරකරුවන් ලෙස හිටපු මුදල් අමාත්ය රනිල් වික්රමසිංහ, හිටපු සුරාබදු කොමසාරිස් ජෙනරාල් එම්. ජේ. ගුණසිරි, මුදල් අමාත්යාංශයේ ලේකම්වරයා, වෙළෙඳ අමාත්ය වසන්ත සමරසිංහ, අල්ලස් කොමිසමේ සභාපතිවරයා, එහි සාමාජිකයින් ඇතුළු 39 දෙනකු නම්කර තිබෙනවා.
ජනාධිපතිවරණයේදී සහාය ලබාගැනීමේ දේශපාලන අරමුණෙන් යුක්තව මෙම බලපත්ර නිකුත් කර තිබෙන බවත්, සුරා බදු පනතේ විධිවිධානයන් මගහැර අත්තනෝමතික සහ අයුක්තිසහගත ආකාරයෙන් ඒවා නිකුත් කර තිබෙන බවත් පෙත්සම්කරුවෝ පෙත්සම මගින් චෝදනා කර සිටිනවා.
