ඩොනල්ඩ් ට්‍රම්ප් විසින් ඊයේ (06) දින රජයේ කාර්යක්ෂමතා කොමිසමක් නිර්මාණය කිරීම ඇතුළු නව ආර්ථික සැලැස්මක් එළිදැක්වූ බව විදෙස් මාධ්‍ය වාර්තා කරනවා.
එහිදී ට්‍රම්ප් පවසන්නේ තමන් නැවත පත් වීමෙන් පසු නව ආර්ථික සැලසුම් එළි දක්වන බැවින් යෝජිත රජයේ කාර්යක්ෂමතා කොමිසමට නායකත්වය දීමට ඊලෝන් මස්ක් පත් කරන බවයි.
වැඩිදුරටත් අදහස් දැක් වූ ට්‍රම්ප් කියා සිටින්නේ, සමස්ත ෆෙඩරල් ආණ්ඩුවෙහි සම්පූර්ණ මූල්‍ය හා කාර්ය සාධන විගණනයක් පැවැත්වීම සහ දැඩි ප්‍රතිසංස්කරණ සඳහා නිර්දේශ ඉදිරිපත් කිරීම වෙනුවෙන් ඊලෝන් මස්ක්ගේ කාර්යක්ෂමතා කොමිසමේ සහය ලබා ගන්නා බවයි.
ආයතනික බදු අනුපාතිකය තවදුරටත් අඩු කිරීම සහ බලශක්ති නිෂ්පාදනය ඉලක්ක කරගත් රජයේ රෙගුලාසිවලට විසඳුම් සෙවීම ඉලක්ක කරගත් යෝජනා ද ට්‍රම්ප් සිය ප්‍රකාශය තුළ ගෙනහැර දක්වා තිබුණා.
