පොලිසිය තමන්ව අත්අඩංගුවට ගෙන අධිකරණයට ඉදිරිපත් කිරීම තුළින් මූලික අයිතීන් උල්ලංඝනය වූ බව සඳහන් කරමින් පුද්ගලයින් තුන්දෙනෙකු විසින් ඉදිරිපත් කළ මූලික අයිතිවාසිකම් පෙත්සම් තුනක් විභාගයට නොගෙන නිෂ්ප්රභ කිරීමට ශ්රේෂ්ඨාධිකරණය තීන්දු කර තිබෙනවා.
හිටපු ජනාධිපති ගෝඨාභය රාජපක්ෂගේ මිරිහානේ පිහිටි පුද්ගලික නිවස ඉදිරිපිට පසුගිය 2022 වසරේ මාර්තු 31 වනදා පැවැති උද්ඝෝෂණය අතරතුරදී මෙම පුද්ගලයන් අත්අඩංගුවට ගෙන අධිකරණයට ඉදිරිපත් කර තිබූ බවටයි පෙත්සමෙන් පෙන්වාදී ඇත්තේ.
නීතිපතිවරයා වෙනුවෙන් පෙනී සිටි ජ්යෙෂ්ඨ රජයේ නීතිඥ ශමින්ද වික්රම මහතා විසින් ඉදිරිපත් කළ කරුණු සලකා බැලීමෙන් අනතුරුව ශ්රේෂ්ඨාධිකරණය විසින් මෙම නියෝගය ප්රකාශයට පත් කළා.
ප්රීති පද්මන් සූරසේන සහ මහින්ද සමයවර්ධන යන මහත්වරුන්ගෙන් සමන්විත විනිසුරු මඩුල්ල විසින් තීන්දුව ප්රකාශයට පත් කරනු ලැබුවා.
