හැටන් ලංගම ඩිපෝවේ මුදල් අයකැමිවරයා ඊයේ (27) පොලිසිය මඟින් අත්අඩංගුවට ගෙන තිබෙනවා.
බස් රථයක බැටරි දෙකක් සොරකම් කිරීමේ සිද්ධියකට සැකපිට මෙම මුදල් අයකැමිවරයා අත්අඩංගුවට ගෙන ඇති බවයි වාර්තා වන්නේ.
මොහු එම ලංගම ඩිපෝවට අයත් කාර්මික දෝෂයකට ලක්ව ගාල්කර තිබූ බස් රථයක රුපියල් එක්ලක්ෂ හතලිස් අටදහසක් පමණ වටිනා බැටරි දෙකක් ගලවා ගිනිගත්හේන ප්රදේශයේ කාන්තාවකට අලෙවිකර තිබෙනවා.
සැකකරු විසින් ඔහුගේ මොටර් රථයේ දමාගෙන මෙම බැටරි දෙක ඩිපෝවෙන් පිටතට රැගෙන ගොස් ඇති බවටයි තොරතුරු වාර්තා වන්නේ.
මේ සම්බන්ධයෙන් ගිනිගත්හේන පොලිසියට ලද තොරතුරක් මත සොරකම් කරන ලද බැටරි දෙක ද සැකකරු සමඟ අත්අඩංගුවට ගත් බවයි පොලිසිය සඳහන් කළේ.
සැකකරුට බැටරි දෙක සොරකම් කිරීම සදහා අනුබල දුන් එම ඩිපෝවේ තවත් කිහිපදෙනෙකු අත්අඩංගුවට ගැනීමට නියමිත බවයි හැටන් පොලිසිය පැවසුවේ.
ඔබේ ප්රතිචාරය කුමක්ද ?
+1
1
+1
+1
+1
+1
+1
+1
