අයාලේ යන ගව රංචුවකගේ ප්රහාරයකට ලක්ව පුද්ගලයෙකු තුවාල ලබා රෝහල් ගතකළ පුවතක් කුඩා වස්කඩුව ප්රදේශයෙන් වාර්තා වනවා.
මෙලෙස ගවන්ගේ ප්රහාරයට ලක් වූ පුද්ගලයා මේ වන විට කළුතර නාගොඩ ශික්ෂණ රෝහලේ ප්රතිකාර ලබන බවයි අප වාර්තාකරු සඳහන් කළේ.
කුඩා වස්කඩුව ප්රදේශයේ මාර්ගයක ගමන් කරමින් සිටිය දී මෙම පුද්ගලයා මෙලෙස ගවන්ගේ ප්රහාරයට ලක්ව ඇති අතර, ගව රංචුව වම පුද්ගලයාව වටකරගෙන සිටිය දී ඒ අසලින් ගමන් කළ යතුරුපැදිකරුවෙක් ගව රංචුව පන්නා දමා ඔහුව බේරාගෙන ඇති බවයි වාර්තා වුණේ.
මේ අතර ප්රදේශවාසීන් චෝදනා කරන්නේ කළුතර ප්රාදේශීය සභා බල ප්රදේශය තුළ අයාලේ යන ගවයින් දිනෙන් දින වැඩි වී ඇති බවයි.
ඒ, අනුව අයාලේ යන ගවයින් සම්බන්ධයෙන් නිසි ක්රියා මාර්ගයක් ගන්නා ලෙස ප්රදේශවාසීන් කළුතර ප්රාදේශීය සභාවෙන් ඉල්ලා සිටිනවා.
