පියාට හදාවඩා ගැනීමට නොහැකිව අගහිඟකම් හේතුවෙන් වෙනත් පුද්ගලයකුට භාරදුන් පිරිමි දරුවකු කාලයක් තිස්සේ අපයෝජනය කළ පුද්ගලයෙක් ව තලංගම පොලීසිය විසින් අත්අඩංගුවට ගෙන තිබේ.
එම දරුවා 16 හැවිරිදි වියෙහි පසුවන අතර, ඔහුගේ මිතුරෙකුද අදාළ පුද්ගලයා විසින් අපයෝජනයට ලක්කිරීමට උත්සාහ දරා ඇත.
අපයෝජනයට ලක්වූ දරුවා පුත්තලම, මදුරන්කුලියේ පදිංචි ව සිටින විට මීට වසර 8කට පමණ පෙර ඔහුගේ මව පවුල හැරගොස් තිබිණ.
පසුව දරුවාව අධ්‍යාපනය ලබාදී හදා වඩා ගැනීම සඳහා තලවතුගොඩ පදිංචි 50 හැවිරිදි පුද්ගලයෙකුට පියා සිය මිතුරෙකුගේ අනුදැනුම අනුව එම පුද්ගලයට භාරදී ඇත.
ඒ අතර තවත් දරුවෙකු සොයාදෙන ලෙස තලවතුගොඩ පදිංචි පුද්ගලයා කළ ඉල්ලීම අනුව මදුරන්කුලියේ තම මිතුරෙකුගේ වයස අවුරුදු 14ක් වන තවත් පිරිමි දරුවෙක්ව එම පුද්ගලයාට භාරදීමට ඔවුන් කටයුතු කර තිබේ.
නමුත් එම දෙවනුවට භාරදුන් දරුවා එම පුද්ගලයාගෙන් මිදී පලාඒමට සමත්වී ඇත.
දෙවන දරුවා පැමිණීමට ප්‍රථම පළමුව භාර දුන් දරුවා තමන්ට විඳීමට සිදුවන ලිංගික රහසිගතව පටිගත කර දෙවැනි දරුවාගේ ජංගම දුරකථනයට යොමු කර තිබුණි.
දරුවාට සිදුවූ අතවරය පිළිබඳව දරුවාගේ පියා ඊයේ (15) තලංගම පොලිසියට පැමිණිල්ලක් ඉදිරිපත් කළ අතර, දරුවා සහ භාරකරු ඒ අනුව පොලිසියට කැඳවා ඇත.
ඒ අනුව වසර 5ක පමණ කාලයක් මෙම දරුවා රඳවා තබා ගනිමින් අපයෝජනය කළ බව පැවසෙන 50 හැවිරිදි පුද්ගලයා අත්අඩංගුවට ගෙන අද කඩුවෙල මහෙස්ත්‍රාත් අධිකරණය වෙත ඉදිරිපත් කිරීමට තලංගම පොලීසිය කටයුතු කර තිබේ.
