රුපියල් හතලිස් එක් ලක්ෂ අසූ දහසක් වටිනා ” කුෂ්” මත්ද්රව්ය තොගයක් මෙරටට රැගෙන විත් , ඒවා කටුනායක ගුවන් තොටුපොළෙන් පිට කර ගෙන යමින් සිටි ශ්රී ලාංකික ගුවන් මගියෙක් ඊයේ (25) රාත්රීයේ ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් පිරිසක් විසින් අත්අඩංගුවට ගෙන තිබෙනවා.
මොහු රත්මලාන ප්රදේශයේ පදිංච්, වැලි සපයන ව්යාපාරයක නිරත 48 හැවිරිදි ව්යාපාරිකයෙක් බවයි වාර්තාවන්නේ.
ඔහුට එරෙහිව ගල්කිස්ස පොලීසියේ සහ කොළඹ පොලිස් මත්ද්රව්ය කාර්යාංශ මූලස්ථානය විසින් පවරා ඇති මත්ද්රව්ය පිළිබද නඩු 03 ක් විභාග වෙමින් පවතින බවයි පොලිසිය පවසනවා.
ඊයේ රාත්රී 06.30 ට තායිලන්තයේ බැංකොක් නුවර සිට ශ්රී ලන්කන් ගුවන් සේවයේ යූ.එල්.- 405 දරන ගුවන් යානයෙන් මෙම සැකකරු කටුනායක ගුවන් තොටුපොළ වෙත පැමිණ තිබුණා.
සැකකරු රැගෙන ආ ගමන් මලු දෙකක් තුළ , ” ෂොපිං “බෑගයක බහා, මෙම ” “කුෂ්” මත්ද්රව්ය ග්රෑම් 418 ක ප්රමාණය සගවා ගෙනවිත් තිබූ බවට පොලිසිය සඳහන් කළා.
මත්ද්රව්ය තොගය සහ අදාල සැකකරු අද (26) දින මීගමුව මහේස්ත්රාත් අධිකරණය වෙත ඉදිරිපත් කළ අතර , එහිදී ඔහුව රදවා තබා ගෙන ප්රශ්ණ කිරීම සදහා අවසර හිමිව තිබෙනවා.
