සෞදි අරාබියේ ප්‍රින්ස් සුල්තාන් ගුවන් හමුදා කඳවුර සහ නැගෙනහිර කලාපය ඉලක්ක කරගනිමින් එල්ල කළ බැලස්ටික් මිසයිල ප්‍රහාර මාලාවක් විනාශ කළ බව සෞදි ආරක්ෂක අමාත්‍යාංශය පවසනවා.
ඒ අනුව එම ගුවන් හමුදා කඳවුරට එල්ල වූ බැලස්ටික් මිසයිල 06 එලෙස බිඳ හෙලීමට සමත් වී ඇති බවයි වාර්තා වන්නේ.
මෙම ප්‍රහාර මාලාව විනාශ කිරීම සම්බන්ධයෙන් සෞදි ආරක්ෂක අමාත්‍යාංශය X සමාජ මාධ්‍යයේ පණිවිඩයක් මඟින් සනාත කර තිබෙනවා.
එමෙන්ම නැගෙනහිර කලාපය දෙසට එල්ල කරන වූ තවත් බැලස්ටික් මිසයිලයක් ද මැඩපැවැත්වූ බව සෞදි ආරක්ෂක උපුටා දක්වමින් විදෙස් මාධ්‍ය වාර්තා කරනවා.
