ජාතික පෝෂණ මාසය වෙනුවෙන් සෞඛ්ය හා ජනමාධ්ය අමාත්යාංශයේ පෝෂණ අංශය විසින් සංවිධානය කළ ජනතාව දැනුවත් කිරීමේ 2026 වසරේ සැමරුම් වැඩසටහන අද (22) සෞඛ්ය හා ජනමාධ්ය අමාත්ය වෛද්ය නලින්ද ජයතිස්සගේ ප්රධානත්වයෙන් කොළඹ වෛද්ය පීඨ ශ්රවණාගාරයේ දී පැවැත් වුණා.
එහි දී දරුවන්ට පාසල් ආපනශාලා තුළින් සපයනු ලබන අහාර නිසි පෝෂණයෙන්, සෞඛ්යාරක්ෂිතව සහ දැරිය හැකි මිලකට සපයන ‘සිසු හිතකාමී පාසල් ආපනශාලා නිර්මාණය කිරිම හා පවත්වාගෙන යාම’ අරමුණු කරගෙන සම්පාදිත “සෞඛ්ය සම්පන්න පාසල් ආපනශාලා පිළිබඳ මාර්ගෝපදේශය” එළිදක්වනු ලැබුවා.
මෙම මාර්ගෝපදේශය සෞඛ්ය හා ජනමාධ්ය අමාත්යාංශයේ පෝෂණ අංශයේ තාක්ෂණික දායකත්වය යටතේ සහ අධ්යාපන, උසස් අධ්යාපන සහ වෘත්තීය අධ්යාපන අමාත්යාංශයේ සම්බන්ධීකරණයෙන් එළිදක්වා තිබෙනවා.
ප්රධාන අරමුණු 5කට අදාළ ප්රතිලාභ අපේක්ෂාවෙන් මෙම මාර්ගෝපදේශය එළිදැක්වු අතර එම කරුණු අතර,
1 නිසි පෝෂණයෙන් යුතු, බෝ නොවන රෝග අවදානමින් මිදුණු නිරෝගී පාසල් දරු පරපුරක් රටට දායාද කිරීම.
2 පාසල් සිසුන්ට රසවත්, පෝෂ්යදායී සහ සෞඛ්ය සම්පන්න ආහාර සැපයීම.
3 පාසල් ළමුන් අතර සෞඛ්ය සම්පන්න ආහාර පිළිබඳ නිවැරදි ආකල්ප ඇති කිරීමට දායක වීම තුළින් නිවැරදි ආහාර පුරුදු හා හැසිරීම් ඇති කිරීම.
4 සෞඛ්ය සම්පන්න / නිවැරදි ආහාර පුරුදු පාසල් දරුවා මඟින් සමාජගත කිරීම.
5 ආපනශාලා නිසි පරිදි පවත්වාගෙන යාම සහ සනීපාරක්ෂාව සහතික කිරීම. ආදිය වනවා.
මෙහිදී අදහස් දක්වමින් සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා සෞඛ්ය සම්පන්න පාසල් ආපනශාලා පිළිබඳ මාර්ගෝපදේශය පිළිබඳ පණිවුඩය වේගයෙන් ජනතාව අතරට ව්යාප්ත කළ යුතු බව පැවසුවා.
එමෙන්ම මෙරට උද්ගතව පවතින සහ වේගයෙන් වර්ධනය වෙමින් පවතින පෝෂණය පිළිබඳ ගැටළුවට සාර්ථක විසඳුම්ක් සෙවීමට නම් දැඩි තීරණ ගනිමින් දැඩි පියවරයන්ට එළඹිය යුතු බව සඳහන් කළා.
මෙම ගැටළුව පිළිබඳ සමාජයේ බොහෝ පාර්ශවයන් කරුණු තේරුම් ගෙන ඇතත් නිවැරදි ක්රියාමාර්ග අනුගමනය කිරීමට මැලිකමක් දක්වන බව ද අමාත්යවරයා මෙහිදී සදහන් කර සිටියා.
