ඉන්දුනීසියාවේදී අත්අඩංගුවට පත්වූ සංවිධානාත්මක අපරාධකරුවන් පස්දෙනා අතර සිටින කෙහෙල්බද්දර පද්මේ විදෙස්ගතව සිට සිදුකළ තවත් අපරාධ රැසක් සම්බන්ධයෙන් තොරතුරු අනාවරණය කර තිබෙනවා.
මේ අතර සංවිධානාත්මක අපරාධ කල්ලි නායක ගණේමුල්ල සංජීව අලුත්කඩේ මහේස්ත්රාත් අධිකරණය තුළ දී වෙඩි තබා ඝාතනය කිරීමේ සිද්ධියේ ප්රධාන සැකකාරියක්වන මේ වනවිට සැඟව සිටින ඉෂාරා සෙව්වන්දි නැමැත්තිය සම්බන්ධයෙන් ද කෙහෙල්බද්දර පද්මේ අනාවරණය කර ඇති බවයි වාර්තා වන්නේ.
ඔහුගෙන් සිදුකළ ප්රශ්න කිරීම්වල දී හෙළිකර ඇත්තේ ඉෂාරා සෙව්වන්දි මේ වනවිට රටින් පලාගොස් සිටින බවයි.
මේ අතර ඉන්දුනීසියාවේ දී අත්අඩංගුවට පත්වූ සංවිධානාත්මක අපරාධකරුවන් පස්දෙනා සන්තකයේ තිබී ආරක්ෂක අංශ භාරයට ගත් ජංගම දුරකථනවල දත්ත ඔස්සේ ඔවුන් සමඟ සබඳතා පැවැත් වූ පුද්ගලයින් පිළිබඳව විශේෂ විමර්ශනයක් ආරම්භ කර තිබෙනවා.
ඉන්දුනීසියාවේ ජකර්තා නුවර පොලිසිය සහ ශ්රී ලංකා පොලිසිය ඒකාබද්ධව සිදුකළ මෙහෙයුමකින් පසුගියදා අත්අඩංගුවට ගැනුණු සංවිධානාත්මක අපරාධකරුවන් මෙන්ම, මත්ද්රව්ය ජාවාරම්කරුවන් වන කෙහෙල්බද්දර පද්මේ, කමාන්ඩෝ සලින්ත, බැකෝ සමන් ඇතුළු පිරිසගෙන් මේ වනවිට පැය 72ක් රැඳවුම් නියෝග මත ප්රශ්න කරමින් සිටිනවා.
