යාපනය මත්පැන් අලෙවිසැලකට ඇතුළු වූ පුද්ගලයෙකු එහි මත්පැන් පානය කරමින් සිටි පිරිසකට කඩුවකින් පහර දී තිබෙනවා.
මෙම පුද්ගලයා පහරදෙන අයුරු දැක්වෙන වීඩියෝ පටයක් ද මේ දිනවල සමාජ මාධ්‍යවල සංසරණය වන අතර සැකකරු තැබෑරුමේ සිටි එක් පුද්ගලයෙකු පසුපස ද පන්නා ගොස් පහරදෙන අයුරුයි දක්නට ලැබුණේ.
අදාළ සිදුවීම සම්බන්ධයෙන් යාපනය පොලිසිය වෙත මත්පැන් හලේ හිමිකරු පැමිණිල්ලක් ද ඉදිරිපත් කර තිබෙනවා.
සිදුවීම සම්බන්ධයෙන් යාපනය පොලිස් විමර්ශන ක්‍රියාත්මකයි.
