නීතිවිරෝධී ලෙස මෙරටට රැගෙන විත් කටුනායක ගුවන් තොටුපොළෙන් පිටකර ගෙන යමින් තිබූ රුපියල් ලක්ෂ පහළොවක් පමණ වටිනා විදේශීය නිෂ්පාදිත දුම්වැටි තොගයක් සමග එම දුම්වැටි රැගෙන ආ ගුවන් මගියා අත් අඩංගුවට ගෙන තිබෙනවා.
අප ගුවන්තොටුපොළ වාර්තාකරු පැවසුවේ අද (26) අලුයම කටුනායක ගුවන්තොටුපොළ පොලිස් මත්ද්රව්ය නාශක අංශයේ නිලධාරීන් පිරිසක් විසින් අදාළ පුද්ගලයාව අත්අඩංගුවට ගනු ලැබූ බවයි.
මොහු කොළඹ – 13, කොටහේන ප්රදේශයේ පදිංචි 29 හැවිරිදි, ගුවන් මගින් පාවහන් රැගෙන විත් රට පුරා අලෙවි කිරීමේ නිරත ව්යාපාරිකයෙක් බවටයි හෙළි ව ඇත්තේ.
මෙම සැකකරු අලුයම 02.30 ට පමණ ඉන්දියාවේ චෙන්නායි නුවර සිට ඉන්ඩිගෝ ගුවන් සේවයේ 6 ඊ.- 1171 දරන ගුවන් යානයෙන් කටුනායක ගුවන් තොටුපොළ වෙත පැමිණියා.
ඔහු විසින් රැගෙන ආ ගමන් මලු තුළ ” මැන්චෙස්ටර් ” වර්ගයේ විදේශීය නිෂ්පාදිත දුම්වැටි 10,000 ක් අඩංගු දුම්වැටි කාටූන් 50ක් සඟවා ගෙන තිබී, පොලිස් මත්ද්රව්ය නාශක අංශයේ නිලධාරීන් විසින් සොයාගෙන අත්අඩංගුවට ගනු ලැබුවා.
මේ වනවිට මොහු පොලිස් ඇප මත මුදා හැරීමට පියවර ගෙන ඇති අතර, එළඹෙන 02 වැනි දින මෙම දුම්වැටි තොගය සමග සැකකරු ද මේ පිළිබඳ වැඩිදුර විමර්ශන කටයුතු සඳහා මීගමුව මහේස්ත්රාත් අධිකරණය වෙත ඉදිරිපත් කිරීමට නියමිතයි.
