ඉන්ධන ප්රවාහනය කරමින් තිබූ විශාල නෞකාවක් මුහුදුබත් වී තිබෙනවා.
විදෙස් මාධ්ය වාර්තා කළේ මෙලෙස අනතුරට ලක් ව ඇත්තේ පිලිපීන ධජය සහිත MT Terra Nova නම් නෞකාව යි.
මෙම නෞකාව මුහුදුබත් ව ඇත්තේ පිලිපීනයට ආසන්න මුහුදු කලාපයේ දී බවත් වාර්තා වනවා.
මෙහි කර්මාන්ත සඳහා යොදා ගන්නා ඉන්ධන ලීටර් මිලියන 1.5ක් ප්රවාහනය කරමින් තිබුණු බවයි වාර්තා වන්නේ.
නෞකාවේ ඉන්ධන කාන්දු වී මේ වනවිට නෞකාව මුහුදුබත් වූ කලාපය අවට විශාල තෙල් පැල්ලම් දක්නට ලැබෙන බව ද වාර්තා වනවා.
නැව අනතුරට ලක් වන විට කාර්යය මණ්ඩලයේ 17 දෙනෙකු සිට ඇති අතර; ඉන් 16 දෙනෙකු ගලවාගෙන තිබෙනවා.
එහෙත් එක් අයෙකු අතුරුදන් ව ඇති බවයි පැවසෙන්නේ.
පිලිපීන රජයේ ප්රවාහන ලේකම් Jaime Bautista සඳහන් කළේ අතුරුදන් වූ නාවිකයා සොයා මෙහෙයුම් ක්රියාත්මක බවයි.
මෙම නෞකාවෙන් ගෙන ගිය ඉන්ධන කාන්දු වීමක් වාර්තා වුව ද, පවතින අයහපත් කාලගුණ තත්ත්වය මත ඒ පිළිබඳ ව සොයා බැලීම දැඩි අසීරු මට්ටමක පවතින බව ද වාර්තා වනවා.
මේ වනවිට තායිලන්තය, පිලිපීනය වැනි රටවල් කිහිපයකට අයහපත් කාලගුණික තත්ත්වයක් බලපා ඇති අතර; Gaemi සුළි කුණාටුව හේතුවෙන් ගංවතුර තත්ත්වයක් ද ඇති ව තිබෙන පසුබිමකයි මෙවන් ව්යසනයක් එල්ල වී ඇත්තේ.
