පාස්කු ප්රහාරය සම්බන්ධව සැකපිට අත්අඩංගුවට ගෙන මේ වන විට අපරාධ පරීක්ෂණ දෙපාර්තමේන්තුවේ රැඳවුම් නියෝග මත රඳවා සිටින හිටපු බුද්ධි අංශ ප්රධානී සුරේෂ් සලේ නැමති සැකකරු සම්බන්ධයෙන් හිටපු පාර්ලිමේන්තු මන්ත්රී උදය ගම්මන්පිල විසින් අද (06) අද දින මාධ්ය ඔස්සේ සිදු කරනු ලැබූ අදහස් දැක්වීම සම්බන්ධයෙන් පොලිසිය විසින් නිඔවෙදංඅය්ක නිකුත් කර තිබෙනවා.
එම ප්රකාශයේ සඳහන් වන ආකාරයට මෙම සැකකරුට පහරදීමක් හෝ අමානුෂික ලෙස සැලකීමක් ශ්රී ලංකා පොලිසිය මඟින් සිදුකර නොමැති අතර, සාමාන්ය සැකකරුවෙක් සම්බන්ධව ක්රියා කරන ආකාරයට කටයුතු සිදු කර ඇති බවයි නිවේදනයේ සඳහන් වන්නේ.
එමෙන්ම එම සැකකරුට කිසිදු විශේෂ සැලකිල්ලක් හෝ නොසලකා හැරීමක් ද සිදු කර නොමැති බවත් නිවේදනයේ සඳහන්.
මෙම කරුණු අධිකරණය තුල විවාදයට භාජනය වී ඇති කරුණු බැවින්, අධිකරණයට පරිභාහිරව මෙවැනි ප්රකාශ මාධ්ය වෙත නිකුත් කිරීමේදී සංයමයෙන් කරුණු ඉදිරිපත් කිරීම වැදගත් බවට ශ්රී ලංකා පොලිසිය අවධාරණය කර තිබෙනවා.
ඒ අනුව ඉහත පරිදි මාධ්ය වෙත අදහස් දක්වමින් උදය ගම්මන්පිල සිදු කරනු ලබන ප්රකාශය සත්යයෙන් තොර ප්රකාශයක් බව ශ්රී ලංකා පොලිසිය වැඩිදුරටත් පෙන්වා දෙනවා.
