පන්දුවාර විස්සයි විස්ස ලෝක කුසලාන ක්රිකට් තරගාවලියේ සුපිරි අට වටයේ ශ්රී ලංකාව මුහුණ දෙන පළමු තරගය අද පැවැත්වෙනවා.
මහනුවර පල්ලේකැලේ ක්රිකට් ක්රීඩාංගණයේ දී පැවැත්වෙන මෙම තරගයේ ශ්රී ලංකා කණ්ඩායමේ ප්රතිවාදීන් වන්නේ එංගලන්ත කණ්ඩායමයි.
මෙම තරගය පස්වරු 3.00ට ආරම්භ වීමට නියමිතයි.
ශ්රී ලංකාව සහ එංගලනත්ය අතර මේ දක්වා ජාත්යන්තර විස්සයි විස්ස තරග 178ක් පවත්වා ඇති අතර, ඉන් තරග 13ක ජය එංගලන්තයට හිමිවෙද්දී ශ්රී ලංකා කණ්ඩායම තරග 04ක් ජයගෙන තිබෙනවා.
එමෙන්ම කණ්ඩායම් දෙකම එකිනෙකාට එරෙහිව ලෝක කුසලාන තරඟ හයක් ක්රීඩා කර ඇති අතර, එහිදී එංගලන්තය තරඟ පහක් ජයග්රහණය කර ඇති අතර, ශ්රී ලංකාව ජයගෙන ඇත්තේ එක් තරඟයක් පමණයි.
2012 වසරේ පැවති විස්සයි විස්ස ලෝක කුසලානයෙන් පසු ශ්රී ලංකාව එංගලන්තය පරාජය කර නොමැති අතර, දෙවරක් ලෝක ශුරයින් වූ එංගලන්තය වසර 14කට පසු ලෝක කුසලාන තරගාවලියක පරාජය කිරීමට අද ශ්රී ලංකාවට අවස්ථාවක් හිමිව තිබෙනවා.
මේ අතර මෙවර ලෝක කුසලාන ක්රිකට් තරගාවලියේ සුපිරි 08 දෙනාගේ තරග වටයේ පළමු තරගය වර්ෂාව හේතුවෙන් අතහැර දැමීමට ඊයේ (20) සිදු වුණා.
නවසීලන්තය සහ පාකිස්ථානය අතර පැවැත්වීම තිබූ මෙම තරගයේ දී කොළඹ ආර්. ප්රේමදාස ක්රිකට් ක්රීඩාංගණයට නොනවත්වා ඇඳ හැලුණු වර්ෂාව හේතුවෙන් තරගය අතහැර දැමීමත් සමඟ කණ්ඩායම් දෙකටම එක් ප්රසාද ලකුණ බැගින් ලබාදීමට කටයුතු කළා.
