රන් ආභරණ ව්යාපාරයේ යෙදී සිටි කෝටිපති ව්යපාරිකයකු පැහැරගෙන ගොස් ඔහුගේ රන් ආභරණ තොගයක් සහ ලක්ෂ 33ක මුදලක් කොල්ලකා එම පුද්ගලයාගේ ගෙල සිරකර මරා දැමු 41 හැවිරිදි පුද්ගලයෙකු වරදකරු කරමින්; කොළඹ මහාධිකරණ විනිසුරු ආදිත්ය පටබැඳිගේ මහතා අද (04) චූදිතයාට මරණීය දණ්ඩනය නියම කළා.
2012 ඔක්තෝබර් 30 වැනිදා පිටකොටුවේ රාජා ජුවලර්ස් අධිපති සින්නදොරේ සුරේකා රාජා නමැති රන් ආභරණ ව්යාපාරිකයාව ඔහුගේ වාහනය සමගම පැහැරගෙන ගොස් පුස්සැල්ල ප්රදේශයේ දී චූදිතයා විසින් මරා දමා ඇති බවයි වාර්තා වන්නේ.
ඒ සම්බන්ධයෙන් නීතිපතිවරයා විසින් කොළඹ මහාධිකරණ හමුවේ අධි චෝදනා ගොනු කර නඩු පැවරූ අතර දිර්ඝ නඩු විභාගයකින් අනතුරුව මෙම නියෝගය නිකුත් කෙරුණා.
විත්තිකරුව පළමු වරදට වරදකරු කළ මහාධිකරණ විනිසුරුවරයා මරණීය දණ්ඩනය නියම කළ අතර දෙවැනි වරදට ජීවිතාන්තය දක්වා සිරදඬුවම් නියම කළා.
ඊට අමතරව රුපියල් 10,000ක දඩයක් ගෙවීමට ද නියෝග කළ බවයි අප අධිකරණ වාර්තාකාරිණිය පැවසුවේ.
