අසල්වැසි නිවෙස් ආරවුලකට හේතු වූ සුනඛයෙකු ව සමථ මණ්ඩලය දුන් තීරණයක් අනුව අමානුෂික අයුරින් ඝාතනය කිරීමේ සිද්ධියට සම්බන්ධ සැකකාරිණිය රක්ෂිත බන්ධනාගාරගත කර තිබෙනවා.
මෙම සැකකාරිණිය පෙරේදා (27) මාන්කුලම් මහේස්ත්‍රාත් අධිකරණයට ඉදිරිපත් කිරීමෙන් අනතුරුව මීළඟ නඩු වාරය තෙක් රක්ෂිත බන්ධනාගාරගත කිරීමටයි කටයුතු කෙරුණේ.
මෙම සැකකාරිණිය 48 හැවිරිදි කාන්තාවක් වන අතර ඇයට චෝදනා එල්ල වී ඇත්තේ 1907 අංක 13 දරණ සත්ව හිංසන වැළැක්වීමේ ආඥා පනත යටතේ සහ දණ්ඩ නීති සංග්‍රහයේ වගන්ති ප්‍රකාරවයි.
