රාජ්ය සේවකයින්ට සුදුසු ඇඳුමකින් සැරසී සේවයට වාර්තා කිරීමට අවස්ථාව හිමිවන පරිදි නව චක්රලේඛයක් නිකුත් කරන බව රාජ්ය පරිපාලන අමාත්යංශය සඳහන් කරනවා.
අදාල චක්රලේඛය ලබන සඳුදා (26) නිකුත් කරන බවයි රාජ්ය පරිපාලන ස්වදේශ කටයුතු පළාත් සභා හා පළාත් පාලන අමාත්යංශය පැවසුවේ.
ඒ, අනුව දැනට නිර්දේශ කර ඇති ඇඳුමෙන් පරිබාහිරව සුදුසු ඇඳුමකින් සේවයට වාර්තා කිරීමට සේවකයින්ට හැකියාව හිමිවනවා.
සාරි ඇතුළු ඇඳුම්වල මිල ගණන් ශීඝ්රයෙන් ඉහළ යාම පිළිබඳ සැලකිල්ලට ගෙන මෙම චක්රලේඛය නිකුත් කරන බවයි අමාත්යංශ ලේකම් එම්. එම්. පී. කේ. මායාදුන්නේ ප්රකාශ කළේ.
රාජ්ය සේවකයින්ගේ කාර්යාලයීය ඇඳුම් සම්බන්ධයෙන් දැනට නිකුත් කර ඇති චක්රලේඛයට මේ අනුව සංශෝධනය කරන බවයි ඔහු වැඩි දුරටත් සඳහන් කළේ.
