මෙරට තුළ දෙස් විදෙස් සංචාරකයින් සංචාරය කරන පූජනීය ස්ථාන හැර, සීගිරිය වැනි සංචාරක ස්ථාන පෞද්ගලිකකරණය කළ යුතු බව නාමල් උයනේ නිර්මාතෘ වනවාසී රාහුල හිමියන් පවසනවා.
අද (24) පෙරවරුවේ නාමල් උයනේ පැවති මාධ්ය හමුවකට එක්වෙමින් උන්වහන්සේ මේ බව සඳහන් කළා.
“සීගිරියට යන සුද්ධන්ට හරියට වැසිකිලි පහසුකමක්වත් නෑ, කෝටි ගණනින් ටිකට් කඩනවා, ඇත්ත කතාව ඒක, වාහනයක් නවත්වන්න තැනක් නෑ, රට වටේම සුද්දන්ගේ ඉහමොළ හූරාගෙන කන තත්ත්වයක් තියෙන්නේ, සුද්දෝ ඒන්නේ හෝටල්වල ගිහින් සැප විඳලා ෆන් අරන් යන්න නෙමෙයි. ඇත්ත කතාව මේ රටේ තියෙන පාරිසරික, ඓතිහාසික භූවිද්යාත්මක තැන් බලන්න එන්නේ, ඒ මිනිස්සුන්ට ආකර්ෂණයක් වෙන විදිහට සංචාරක අමාත්යංශයට, සංචාරක මණ්ඩලයට වගකීමක් තියෙනවා ඒ අවශ්ය කරන දේ කරන්න, සුද්දා ගෙනාපු මුදල් හොරකම් කරනවා නෙමෙයි නිසි විදිහට පහසුකම් සලසලා, ඒ මිනිස්සුන්ගේ හිත සංතෝෂ කරලා අරින්න ක්රමවේදයන් හදන්න ඕන කළමණාකරණය කරන්න ඕන, එහෙම එකක් අපේ රටේ නෑ, මේවා හැම තැනකින්ම වෙනස් විය යුතුයි. මේ රට ගොඩනගන්න නම් නාස්තිය, දූෂණය, වංචාව අවම කරන්න අවශ්යයි.”
wpDiscuz
