කලවාන ප්රදේශයේ ජනප්රිය පාසලක සිසුන් පස් දෙනෙකු අපයෝජනයට ලක් කළ බවට පැවසෙන ප්රදේශයේ විහාරස්ථානයක චීවරධාරියකු අත්අඩංගුවට ගත් බව කලවාන පොලිසිය පවසනවා.
අපයෝජනයට ලක් වූ දරුවන් විසින් පාසලේ ගුරුවරුන් හා දෙමාපියන්ව මේ සම්බන්ධයෙන් දැනුවත් කිරීමෙන් අනතුරුවයි පොලිසියට ලද පැමිණිල්ලකට අනුව මෙම අත් අඩංගුවට ගැනීම සිදු කර ඇත්තේ.
මෙම විහාරස්ථානය එම පාසල අසලම පිහිටා ඇති අතර පාසලේ 9 වන ශ්රේණියේ ඉගෙනුම ලබන දරුවන් පස්දෙනෙකු මෙලෙස අපයෝජනයට ලක්ව ඇති බවට පැමිණිලි ලැබී තිබෙන බව පොලිසිය සඳහන් කළා.
දරුවන් වෛද්ය පරීක්ෂණ සඳහා කලවාන මූලික රෝහල වෙත ඇතුළත් කර ඇති බවයි පොලිසිය පැවසුවේ.
සිද්ධිය සම්බන්ධයෙන් කලවාන පොලිස් ස්ථානාධිපති ප්රධාන පොලිස් පරීක්ෂක වසන්ත හේරත් මහතාගේ ප්රධානත්වයෙන් වැඩිදුර විමර්ශන සිදු කෙරෙනවා.
