මෙවර FIFA පාපන්දු ලෝක කුසලානයෙන් ඉවතට විසිවීමට ප්රබල ජර්මන් කණ්ඩායමට අද සිදු වුණා.
ඒ, අවසන් 34 දෙදෙනාගේ තරග වටයේ පැරගුවේ කණ්ඩායම හමුවේ ලද දරුණු පරාජයත් සමගයි.
ඇමරිකා එක්සත් ජනපදයේ බොස්ටන් ක්රීඩාංගනයයේ ප්රේක්ෂකයින් 63,945ක් ඉදිරියේ දී පැවති මෙම තරගයේ නියමිත කාලය අවසන් වනවිට ගෝල එක බැඟින් රැස්කරගෙන කණ්ඩායම් දෙකම සම තත්ත්වයේ පසු වුණා.
කෙසේ වෙතත් විනිසුරුවන් තීරණය කළේ දඬුවම් පහර මඟින් මෙම තරගයේ ජයග්රාහකයින් තෝරා ගැනීමටයි.
ඒ, අනුව දඬුවම් පහර පහකින් හතරක් සාර්ථක කරගත් පැරගුවේ කණ්ඩායමට මෙම තරගයේ ජයග්රහණය හිමි වුණා.
ජර්මනියට සාර්ථක කර ගැනීමට හැකියාව ලැබුණේ දඬුවම් පහර තුනක් පමණයි.
මෙම ප්රතිඵලයත් සමඟ සිව් වතාවක් ලෝක ශූරයින් වූ ජර්මනියට මෙවර පාපන්දු ලෝක කුසලනයෙක් ඉවතට විසිවීමට සිදු වුණා.
ජර්මනිය පරදා අවසන් 16 දෙනාට සුසුසුකම් ලැබූ පැරගුවේ කණ්ඩායම ලබන සෙනසුරාදා ෆිලඩෙල්ෆියා හිදී පැවැත්වෙන තරගයේ දී දෙවරක් ශූරයන් වූ ප්රංශය හෝ 958 අනුශූරයන් වූ ස්වීඩනය සමඟ අවසන් 16 දෙනා අතර තරඟයේදී තරග වැදීමට නියමිතයි.
