සංචාරක නවසීලන්ත කණ්ඩායම සහ ඉන්දියාව අතර පළමු ටෙස්ට් ක්‍රිකට් තරගයේ සිව්වන දින වූ අද (19) දිනය අයපත් ආලෝක තත්ත්වය හේතුවෙන් නියමිත වේලාවට පෙර අවසන් කරන්නට විනිසුරුවරුන් කටයුතු කළා.
විනිසුරුවරුන්ගේ මෙම තීරණය පිළිබඳව ඉන්දීය නායක රෝහිත් ශර්මා සහ විරාට් කෝලි එතරම් ප්‍රසාදයක් පළකර සිටියේ නැහැ.
තරගය සිව්වන දිනට නතර කරන විට නවසීලන්ත දෙවන ඉනිමේ ක්‍රියාත්මක කර තිබුණේ පන්දු 04ක් පමණයි.
එහිදී නවසීලන්ත ආරම්භ පිතිකරුවන් යුගළය ලකුණු නොලබා කඩුල්ලේ රැඳී සිටියා.
තරගයේ අවසන් දිනය වන හෙට (20) දිනයේ දී තරගය ජයගැනීමට නවසීලන්තයට කඩුලු 10ක් ඇතැතිව ලකුණු 107ක් ලබාගත යුතු වනවා.
මෙම තරගයේ පළමු ඉනිම ක්‍රීඩා කළ ඉන්දියාව සියලු දෙනා ලකුණු 46කට දැවී ගිය අතර, ඊට පිළිතුරු වශයෙන් නවසීලන්තය සිය පළමු ඉනිමට ලකුණු 402ක් රැස් කළා.
අනතුරුව ඉනිමක පරාජයෙන් ගැලවීමේ සටන ඇරඹු ඉන්දියාව සිය දෙවන ඉනිම සඳහා සියල්ලන් දැවී ලකුණු 462ක් රැස්කරමින් නවසීලන්තයට ලකුණු 107ක ඉලක්කයක් ලබා දුන්නා.
This may be India’s worst ever loss in their home soil. New Zealand are deserved to win this test after their heroic bowling in the first innings after lost the entire first day due to rain washed out.