ශ්‍රී පාද වන්දනාකරුවන් රැගෙන එන පෞද්ගලික බස් රථ සහ වෑන් රථ නෝටන්බ්‍රිජ් පොලිසියේ නිලධාරින් විසින් ඊයේ (04) දින විමලසුරේන්ද්‍ර ජලාශය ඉදිරිපිට දී හදිසි පරීක්ෂාවට ලක් කෙරුණා.
දසත ප්‍රාදේශීය වාර්තාකරු පැවසුවේ; ‘ක්ලීන් ශ්‍රී ලංකා’ වැඩසටහනට සමගාමී ව මෙම පරීක්ෂාව සිදු කෙරුණු බවයි.
එහිදී අදාළ බස් රථ සහ සෙසු රථ වාහන රියදුරන්ට, හිමිකරුවන්ට තම වාහනවල ඇති අමතර උපාංග වහාම ගලවා ඉවත් කළ යුතු බවට නියෝග කෙරුණා.
එම උපාංග මගී ජීවිතවලට අනතුරක් ගෙනෙන බවයි පොලිසිය පවසා ඇත්තේ.
අදාළ අමතර උපාංග ඉවත් කර; පොලිස් ස්ථාන වෙත පැමිණ සිය රියදුරු බලපත්‍රය ද ලබා ගන්නා ලෙසට පොලිසිය දැනුම්දී තිබෙනවා.
මේ උපාංග ආනයනයෙන්ම නවතා තහනම් කරනු. නැතහොත් කරැණු නොදත් ජනතාව මේවා මිලදී ගෙන අටවා එක් වර්ගයක් පොහොසතුන් කර වැලලී යනු ඇත.