ශ්රී පාදයේ සංචාරයක් සඳහා පැමිණි විදෙස් ජාතිකයෙක් හදිසියේ ඇති වූ රෝගී තත්ත්වයක් හේතුවෙන් ජීවිතක්ෂයට පත්ව තිබෙනවා.
අද (20) අලුයම මෙලෙස ජීවිතක්ෂයට පත්ව ඇත්තේ ඩෙන්මාර්ක් ජාතිකයෙක් බවයි අප වාර්තාකරු සඳහන් කළේ.
68 හැවිරිදි වියේ පසුවන මෙම විදෙස් ජාතිකයා ඊයේ (19) සිය බිරිඳ සමඟ නල්ලතන්නිය වෙත පැමිණ සංචාරක හෝටලයක නවාතැන්ගෙන තිබෙනවා.
අනතුරුව අද (20) අලුයම ශ්රී පාද ස්ථානය දකවා යෑමට දෙදෙනාම ගමන් අරඹා ඇති අතර, එහිදී ඉදිකටුපහන ප්රදේශයේ දී මෙම විදෙස් ජාතිකයා හදිසියේ රෝගාතුර වී ඇති බවයි වාර්තා වුණේ.
එහිදී පොලිස් නිලධාරීන් විසින් ඔහුව රෝහල් ගත කිරීම සඳහා නල්ලතන්නිය වෙත රැගෙනවිත් ඇති අතර එලෙස රැගෙන එන විට ඔහු මියගොස් සිටි බවයි පොලිසිය සඳහන් කළේ.
මියගිය විදෙස් සංචාරකයාගේ සිරුර මස්කෙළිය ප්රාදේශිය රෝහලේ තැන්පත් කර ඇති අතර, ඔහු ලංකාවට පැමිණිමෙන් පසු සීගිරිය ප්රදේශයේ දී රෝගි තත්ත්වයකට ප්රතිකාර ලබාගෙන ඇති බවට ද අනාවරණය වී තිබෙනවා.
මළ සිරුර සම්බන්ධයෙන් වන පශ්චාත් මරණ පරික්ෂණය සඳහා එය දික්ඔය මූලික රෝහලේ විශේෂඥ අධිකරණ වෛද්යවරයා වෙත යොමුකරන බවයි පොලිසිය වැඩිදුරටත් සඳහන් කළේ.
