2025 නව වසරේ රාජකාරී ආරම්භ කරන හෙට (01) දිනයේ සියලු රාජ්ය ආයතනවල නිල උත්සවයක් පවත්වන ලෙස රාජ්ය පරිපාලන පළාත් සභා හා පළාත් පාලන අමාත්යංශය විශේෂ චක්රලේඛයක් නිකුත් කරමින් දැනුම් දෙනවා.
හෙට (01) දිනයේ ආරම්භ වන ‘ක්ලීන් ශ්රී ලංකා’ ජාතික වැඩසටහනට සමගාමීව නව වසරේ රාජකාරී කටයුතු ඇරඹිය යුතු බව එම චක්රලේඛයේ දක්වෙන්නේ.
ජනාධිපති අනුර කුමාර දිසානායක විසින් ‘ක්ලීන් ශ්රී ලංකා’ වැඩසටහන එළිදැක්වීම ජනාධිපති කාර්යාලයේ දී හෙට (01) දිනයේ සිදුකිරීමට නියමිතයි.
ඒ, අනුව සියලුම රාජ්ය ආයතන ප්රධානීන්, සමස්ත රාජ්ය සේවයේ නියුතු පිරිසගේ සහභාගීත්වයෙන් ජනාධිපති කාර්යාලයේ පැවැත්වෙන කාර්යයට සමගාමීව සිය සේවා ස්ථානවල රාජකාරී කටයුතු ආරම්භ කිරීම සිදුකළ යුතු බවයි රාජ්ය පරිපාලන පළාත් සභා හා පළාත් පාලන අමාත්යංශය දැනුම් දෙන්නේ.
රාජ්ය සේවකයින් ‘ක්ලීන් ශ්රී ලංකා’ ප්රතිඥාව කියවිම සඳහා සජීවීව සම්බන්ධ විය යුතු බව ද නිකුත් කර ඇති චක්රලේඛය මගින් දන්වා තිබෙනවා.
