Rajapura Handi Oil
Rajapura Diabetic Powder

සියල්ලන් මවිතයට පත් කළ IPL පිටියේ දෝනිගේ මැජික් (වීඩියෝ)

මුම්බායි ඉන්දියන්ස් සහ චෙන්නායි සුපර් කිංග්ස් කණ්ඩායම් මෙවර ඉන්දීය ප්‍රිමියර් ලීග් තරගාවලියේ තමන් මුහුණ දුන් පළමු තරගයට ඊයේ (23) ක්‍රීඩා කළා.

චෙන්නායි හිදී පැවති මෙම තරගය මුම්බායි කණ්ඩායම පරාජය කරමින් ජයගන්නට චෙන්නායි කණ්ඩායමට හැකියාව ලැබුණා.

මුම්බායි කණ්ඩායම පරාජය කරමින් චෙන්නායි ක්‍රීඩකයින් මෙම තරගය ජයගත්තේ කඩුලු හතරකින්.

තරගයේ දී සූර්යකුමාර් යාදව් දවාගැනීමට මහේන්ද්‍ර සිං දෝනි සිදුකළ අති විශිෂ්ට ස්ටම්ප් කිරීම සියලු දෙනාම මවිතයට පත් වුණා.

ලකුණු 29ක් ලබාගෙන සිටි සූර්යකුමාර් චෙන්නායි දඟ පන්දුයවන ක්‍රීඩක නූර් අහමඩ්ගේ පන්දුවක් හමුවේ ස්ටම්ප් කිරීමකට ලක්ව දැවී යන අතර, කඩුල්ල පිටුපස සිටි දෝනි එම ස්ටම්ප් කිරීම තත්ත්පරයකටත් වඩා අඩු කාලයක් තුළ සිදුකිරීම විශේෂත්වයක්.

මේ වනවිට 43 හැවිරිදි වියේ පසුවන මහේන්ද්‍ර සිං දෝනි සැලකෙන්නේ මෙවර අයි.පී.එල් තරගාවලිය ක්‍රීඩා කරන වයස්ගතම ක්‍රීඩකයා ලෙසටයි.

කෙසේ වෙතත් මෙවර අයි.පී.එල් තරගාවලිය දෝනිගේ අවසන් අයි.පී.එල් තරගාවලිය වනු ඇති බවයි වාර්තා වන්නේ.