සිම්බාබ්වේ ක්‍රිකට් අධ්‍යක්ෂ ධුරයෙන් එරට හිටපු නායක හැමිල්ටන් මසකඩ්සා ඉල්ලා අස්වී තිබෙනවා.
ඒ 2024 වසරේ ඇමරිකා එක්සත් ජනපදයේ සහ කැරිබියන් දූපත්හි පැවැත්වෙන විස්සයි විස්ස ලෝක කුසලානයට සුදුසුකම් ලැබීමට සිම්බාබ්වේ කණ්ඩායම අපොහොසත් වීම හේතුවෙන්.
හැමිල්ටන් මසකඩ්සා ජාත්‍යන්තර ක්‍රිකට් පිටියෙන් විශ්‍රාම ගැනීමෙන් පසු 2019 වසරේ ඔක්තෝම්බර් මාසයේදී අදාළ තනතුරට පත් කරනු ලැබුවා.එමෙන්ම මිට මාස තුනකට පමණ පෙර සිම්බාබ්වේ ප්‍රධාන පුහුණුකරු ඩේව් හූටන් සිය ධුරයෙන් ඉල්ලා අස්වුණා.
තම රටෙහි ක්‍රිකට් ක්‍රීඩාවේ සාර්ථක අසාර්ථකභාවයන් සහ තමන්හට පැවරී ඇති වගකීම් හොඳින් සලකා බැලීමෙන් අනතුරුව මෙම තීරණය ගෙන ඇති බවද මසකඩ්සා ලබා දුන් ඉල්ලා අස්වීමේ ලිපියේ සඳහන් තිබෙනවා.
එමෙන්ම උගන්ඩාව හමුවේ ලැබූ දරුණු පරාජයෙන් අනතුරුව 2024 පන්දුවාර 20 ලෝක කුසලානයට සහභාගී නොවන එකම පූර්ණ සාමාජික රට බව සිම්බාබ්වේ කණ්ඩායම පත්ව තිබීම විශේෂත්වයක්.
