සිනමාශාලා තුළට ජංගම දුරකථන රැගෙනයාම සම්බන්ධයෙන් චිත්රපට සංස්ථාව මැදිහත් වී නීතිමය ප්රතිපාදන සැකසිය යුතු බව චිත්රපට අධ්යක්ෂකවරුන්ගේ සංගමය පවසනවා.
එම සංගමය ඊයේ (15) දින කොළඹ දී කැඳවා තිබූ මාධ්ය හමුවක දී මේ බව සඳහන් කළා.
මේ අතර මේ දිනවල තිරගත කෙරෙන සිංහබාහු චිත්රපටයේ අනවසර පිටපතක් සමාජ මාධ්ය ඔස්සේ සංසරණය වීම සම්බන්ධයෙන් ද මෙම මාධ්ය හමුවේ දී අදහස් දක්වා සිටියා.
එම සිද්ධිය සම්බන්ධයෙන් අත්අඩංගුවට ගැනුණු පුද්ගලයා තමන් සිදුකළ වරද පිළිගෙන ඇති බවයි මෙම මාධ්ය හමුවට සහභාගී වූ ප්රවීන චිත්රපට අධ්යක්ෂ සොමරත්න දිසානායක සඳහන් කළේ.
වේදිකා නාට්ය නැරඹීමට යාමේ දී ප්රේක්ෂනයින්ට කැමරා, ජංගම දුරකථන රැගෙන යාමට අවස්ථාව නොලැබෙන බවත්, ඒ අනුව චිත්රපට ශාලාවට ද කැමරා, ජංගම දුරකථන රැගෙන යාම වළක්වාලමින් වහාම නීතියක් සැකසිය යුතු බවයි සිනමා නිර්මාණකරු ජයන්ත චන්ද්රසිරි මෙහිදී අදහස් දක්වමින් ප්රකාශකර සිටියේ.
ඒ, සඳහා චිත්රපට සංස්ථාව මැදහත්ව කටයුතු කළ යුතු බව ද ඔහු මෙහිදී පැවසුවා.
Unfortunately very unnecessary we can see empty