spot_img
spot_img
spot_img
AFC Banner
Empty Ad
Empty Ad

ශ්‍රී ලංකා ප්‍රබලයින් දෙදෙනෙක් අද තරගයට නැහැ – ක්‍රිකට් ආයතනයත් ‘කහ’ වෙයි

ඕස්ට්‍රේලියාව සමඟ පැවැත්වෙන අවසන් එක්දින තරගය අද (24) පෙරවරුවේ කොළඹ ආර්. ප්‍රේමදාස ක්‍රීඩාංගණයේ දී ආරම්භ වීමට නියමිතයි.

මේ වන විටත් තරග තුනට එකක් ලෙස තරගාවලිය ජයගෙන සිටින ශ්‍රී ලංකා කණ්ඩායම අද තරගයේ දී කණ්ඩයමේ වෙනස්කම් කිහිපයක් සිදු කිරීමට නියමිත බවයි ක්‍රිකට් ආරංචි මාර්ග සඳහන් කළේ.

මේ අතර අද තරගයේ දී ශ්‍රී ලංකා කණ්ඩායමේ වේග පන්දු යවන ක්‍රීඩක දුෂ්මන්ත චමීර සහ දඟ පන්දු යවන ක්‍රීඩක වනිඳු හසරංග විවේක ගන්වා ඇති බව ද වාර්තා වනවා.

එමෙන්ම අද තරගයේ දී ප්‍රහාරාත්මක පිතිකරු භානුක රාජපක්ෂට සහ වේගපන්දු යවන ක්‍රීඩක ප්‍රමෝද් මදුෂාන්ට කණ්ඩායමේ ඉඩක් වෙන්වනු ඇති බවයි ක්‍රිකට් ආරංචි මාර්ග වැඩිදුරටත් සඳහන් කළේ.

අද තරගයේදී ප්‍රමෝද් එක්දින වරම් දිනා ගතහොත් එක්දින වරම් හිමි වූ 205 වන ශ්‍රී ලාංකික ක්‍රීඩකයා ලෙසටයි ඔහු මෙරට ක්‍රිකට් ඉතිහාසයට එක්වන්නේ.

එමෙන්ම ඕස්ට්‍රේලියානු කණ්ඩායමේ ට්‍රැවිස් හෙඩ් අද තරගයෙන් ඉවත්කර ඇති අතර ඔහු වෙනුවට ජොෂ් ඉන්ග්ලිස් ක්‍රීඩා කිරීමට නියමිත බව සඳහන්.

මේ අතර අද තරගයට නැරඹීමට කෙත්තාරාම ක්‍රීඩාංගණයට පැමිණීමේ දී ඕස්ට්‍රේලියානු කණ්ඩායමට ස්තූතිය පළකිරීම වෙනුවෙන් කහ පැහැති වර්ණයෙන් සැරසී පැමිණෙන ලෙස සමාජ මාධ්‍ය තුළ පුළුල් ප්‍රචාරයක් පැතිර යනවා.

එමෙන්ම අවසන් එක්දින තරගය ක්‍රීඩා කරන අද දිනයේ තම ආයතනයේ සේවකයින්ට ද කහ පැහැති වර්ණයෙන් සැරසී ක්‍රීඩාංගනයට පැමිණෙන ලෙස ශ්‍රී ලංකා ක්‍රිකට් ආයතනය දැනුම් දී තිබෙනවා.

ඔබේ ප්‍රතිචාරය කුමක්ද ?
+1
0
+1
0
+1
0
+1
0
+1
0
+1
0
+1
164
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?