පෙර සැලසුම් කළ පරිදි හෙට (18) උදෑසන 07.00ට සිට පැය 24ක කාලයක් වැඩ වර්ජනයක් සිදුකිරිමට සෞඛ්‍ය වෘත්තියවේදීන්ගේ සම්මේලනය තීරණය කර තිබෙනවා.
සෞඛ්‍ය වෘත්තියවේදීන්ගේ සම්මේලනයේ නියෝජිතයින් සහ මුදල් අමාත්‍යාංශයේ නිලධාරින් අතර අද (17) පැවති සාකච්ඡා අසාර්ථක වීම හේතුවෙන් එම තීරණය ක්‍රියාත්මක කිරීමටයි තීරණය කර ඇත්තේ.
කෙසේ වෙතත් මෙම වර්ජන කාලය තුළ සියලුම හදිසි සහ අත්‍යවශ්‍ය සේවා සපයන බවයි එම සංගමයේ සභාපති රවී කුමුදේෂ් මාධ්‍ය වෙත අදහස් දක්වමින් සඳහන් කළේ.
එමෙන්ම ළමා රෝහල්, මාතෘ රෝහල්, පිළිකා රෝහල් සහ වකුගඩු රෝහල්වල හෙට දිනයේ දී මෙම වර්ජනය ක්‍රියාත්මක නොවන බවයි ඔහු වැඩිදුරටත් පැවැසුවේ.
