තියුණු ආයුධයකින් පහරදී තම සැමියා ඝාතනය කිරීමේ චෝදනාව මත කාන්තාවක් මහියංගන පොලිසිය විසින් අත්අඩංගුවට ගෙන තිබෙනවා.
ඊයේ (06) රාත්රී 11.30ට පමණ බීමතින් නිවසට පැමිණි සැමියා තමා සහ තම දරුවන් දෙදෙනා පහර දී මරා දමන බවට තර්ජනය කළ බවයි සැකකාර කාන්තාව පොලිසියට පැමිණිලි කර ඇත්තේ.
අනතුරුව පොලිසිය එම කාන්තාවගේ නිවසට ගිය අවස්ථාවේදී ලේ විලක් මැද වැටී සිටින පුද්ගලයෙකු දැක තිබෙනවා.
පොලිසිය පැවසුවේ අදාළ පුද්ගලයා මහියංගනය රෝහලට රැගෙන යන විටත් මියගොස් සිට ඇති බවයි.
මෙලෙස ඝාතනයට ලක්වී ඇත්තේ 42 හැවිරිදි විශ්රාමික හමුදා සෙබළෙක් බව සඳහන්.
මෘත ශරීරය පශ්චාත් මරණ පරීක්ෂණය සඳහා මහියංගණය රෝහලේ මෘත ශරීරාගාරයේ තබා ඇති අතර සිද්ධිය සම්බන්ධයෙන් වැඩිදුර පරීක්ෂණ ක්රියාත්මකයි.
