සැමියාගේ පහර කා 29 හැවිරිදි බිරිඳ මරුදකී

සැමියා විසින් සිය බිරිඳව ඝාතනය කර ඇති බවට පුවතක් අරලගංවිල, බිම්පොකුණ ප්‍රදේශයෙන් වාර්තා වනවා.

ඊයේ (03) රාත්‍රී කාලයේ මෙම අපරාධය සිදුව ඇති බවයි පොලිසිය සඳහන් කරන්නේ.

සැමියා විසින් සිදුකළ පහරදීමකින් අනතුරුව එම කාන්තාව අරලගංවිල රෝහලට ඇතුලත් කිරීමෙන් පසු මියගොස් ඇති බවයි පොලිසිය පවසන්නේ.

මෙලෙස ඝාතනයට ලක්ව ඇත්තේ වයස අවුරුදු 29ක කාන්තාවක්.

පවුල් ආරවුලක් දුරදිග යාමෙන් සැමියා විසින් මෙම පහරදීම සිදුකර ඇති බවයි සිදුකල විමර්ශනයේදී අනාවරණය වී ඇත්තේ.

ඝාතනයට සම්බන්ධ සැකකාර පුරුෂයා අත්අඩංගුවට ගැනීම සඳහා අරලගංවිල පොලිසිය විමර්ශන සිදුකරනු ලබනවා.