සත්කාරක දකුණු අප්රිකාව පරදා පළමු විස්සයි විස්ස තරගයෙන් ජයග්රහණය වාර්තා කිරීමට සංචාරක ඉන්දීය කණ්ඩායම ඊයේ (08) සමත් වුණා.
ඩර්බන් හිදී පැවති මෙම තරගය දකුණු අප්රිකාව පරදා ඉන්දියාව ජයගත්තේ ලකුණු 61කින්.
මෙම තරගයේ දී ඉන්දීය ආරම්භක පිතිකරු සංජු සැම්සන් විස්සයි විස්ස ක්රිකට් පිටියේ වාර්තාවක් පිහිටුවීමට සමත් වුණේ ජාත්යන්තර විස්සයි විස්ස තරග දෙකක දී පිට පිට ශතක දෙකක් වාර්තා කළ පළමු ඉන්දීය ක්රීඩකයා බවට පත්වෙමින්.
සංජු සැම්සන් දකුණු අප්රිකාව සමඟ ඊයේ පැවති පළමු විස්සයි විස්ස තරගයේ දී පන්දු 50කට මුහුණ දෙමින් වේගවත් ලකුණු 107ක් රැස් කළා.
ඔහුගේ මෙම ඉනිමට දැවැන්ත හයේ පහර 10ක් සහ හතරේ පහර 07ක් ඇතුළත් වුණා.
සංජු සැම්සන් මීට පෙර බංග්ලාදේශය සමඟ නිමා වූ විස්සයි විස්ස තරගාවලියේ අවසන් තරගයේ දී ලකුණු 111ක් රැස් කළේ පන්දු 47කට මුහුණ දෙමින්.
මේ අතර මීට පෙර ජාත්යන්තර විස්සයි විස්ස පිටිය තුළ දී පිට පිට ශතක දෙකක් රැස්කර ගැනීමට ප්රංශ ක්රිකට් ක්රීඩක ගුස්ටාව් මැකිඕන්, දකුණු අප්රිකානු ක්රීඩක රිලී රොසෝව් සහ එංගලන්ත ක්රීඩක ෆිල් සෝල්ට්ට හැකියාව ලැබී තිබෙනවා.
ඒ, අනුව සංජු සැම්සන් වාර්තා අතරට එක්වන්නේ ජාත්යන්තර විස්සයි විස්ස පිටිය තුළ දී පිට පිට ශතක දෙකක් රැස්කළ සිව්වැනි පිතිකරුවා ලෙසටයි.
ලංකාවත් එක්ක ඔය සෙල්ලම් බෑ හැබැයි.