දිවයිනේ ඇතැම් ප්රදේශවලට ඇදහැලෙන වර්ෂාවත් සමග ඊයේ (05) පස්වරුවේ අවිස්සාවේල්ල – මානකඩ ඔය හරහා ධාවනය වෙමින් තිබූ කැබ් රථයක් ජල පහරට හසුවීමෙන් ගසාගෙන ගොස් එහි සිටි පුද්ගලයින් දෙදෙනකු ජීවිතක්ෂයට පත් ව තිබෙනවා.
කැබ්රථයේ හිමිකරු සතුව ඇති ඉඩමේ පවත්වාගෙන යන වැලි තොටුපොළට ගොස් ආපසු පැමිණිමේ දී මෙම අනතුරු සිදුව ඇති බවත් හෙළි ව ඇත්තේ.
ඒ වන විටත් දැඩි වර්ෂාපතනයක් ඇදහැලෙමින් තිබී ඇති බව ද වාර්තා වනවා.
අනතුර සිදුවන අවස්ථාවේ දී කැබ්රථය තුළ පුද්ගලයන් සිව් දෙනෙකු ගමන් කොට ඇති අතර , එය ගසාගෙන යන අවස්ථාවේ පිටුපස අසුනේ සිටි පුද්ගලයන් දෙදෙනා ඉන් පැන දිවි බේරාගෙන ඇති බවයි දසත ප්රාදේශීය වාර්තාකරු පැවසුවේ.
කැබ්රථය මීටර් 100කට වැඩි දුරක් ගසාගෙන ගොස් රැඳී තිබෙනවා.
මෙසේ මියගොස් ඇත්තේ අශෝක උයන – කිරිබත්ගොඩ ලිපිනයේ පදිංචි චන්න කබ්රාල් නමැති 69 හැවිරිදි කැබ්රථයේ හිමිකරු සහ එහි රියදුරු වන මොණරාගල පදිංචි 30 හැවිරිදි දසුන් ප්රනාන්දු නමැති අයෙක් බවයි කොස්ගම පොලිසිය පැවසුවේ.
Nature gives them back. They are hurting nature by sand extraction. They would have over done it. It you love nature nature will never harm you.