පිළියන්දල, තුම්බෝවිල ප්රදේශයේ දී සැකකටයුතු පුද්ගලයින් දෙදෙනෙකු පරීක්ෂාවට ලක් කිරීමට යාමේදී පොලිස් වෙඩි තැබීමක් සිදුව තිබෙනවා.
පොලිසිය පැවසුවේ අද (19) උදෑසන 5.30ට පමණ මෙම වෙඩි තැබීම සිදුව ඇති බවයි.
බොරලැස්ගමුව පොලිසියේ නිලධාරීන් කණ්ඩායමක් විසින් මත්ද්රව්ය ජාවාරමක් සම්බන්ධයෙන් ලැබුණු තොරතුරක් මත වැටලීමක් සඳහා අද (19) අලුයම ගොස් තිබෙනවා.
එහිදී යතුරුපැදියක සිටි සැකකටයුතු පුද්ගලයින් දෙදෙනෙක් පොලිස් නිලධරීන් විසින් පරීක්ෂා කිරීමට යාමේ දී යතුරුපැදියේ පිටුපස සිටි පුද්ගලයා පොලිස් නිලධාරීන්ට මාන්නයකින් පහර දීමට උත්සාහ කර ඇති බවයි වාර්තා වන්නේ.
එම අවස්ථාවේ පොලිසිය වෙඩි තැබීමක් සිදුකර ඇති අතර, එහිදී එම සැකකරු තුවාල ලබා ඇති බවයි පොලිසිය පැවසුවේ.
අනෙක් සැකකරු එම අවස්ථාවේ දී පලාගොස් ඇති අතර, තුවාල ලැබූ සැකකරු මේ වන විට කළුබෝවිල රෝහලට ඇතුළත් කර තිබෙනවා.
සිද්ධිය සම්බන්ධයෙන් පොලිස් කණ්ඩායම් දෙකක් විමර්ශන අරඹා ඇති බවයි පොලිස් මාධ්ය ප්රකාශකවරයා පැවසුවේ.
