ජනාධිපතිවරයා ඇතුලු සමස්ථ ආණ්ඩුවට විරෝධය පළ කරමින් ගාලු මුවදොර පැවැත්වෙන නිර්පාක්ෂික මහජන අරගලයට අදට දින 15 ක් සම්පූර්ණ වනවා.
රටපුරා නගර වලට එකතු වී විරෝධතාවයේ නිරත ජනතාව පවසන්නේ ආණ්ඩුවේ පාලකයින්ට රට පාලනය කිරිමට නොහැකි බව පෙන්වා ඇති හෙයින් පාලන බලය වෙනත් සුදුසු පිරිසකට භාර දි වහාම පාලනයෙන් ඉවත් වන ලෙසයි.
ඇදහැලෙන මහවැසිද නොතක ජනතාව අඛණ්ඩව එහි විරෝධතාවයේ යෙදෙන අකාරය බොහෝ මාධ්යන් විසින් වාර්ථා කර තිබුනා.
මේ අතර ජනාධිපතිවරයා ඇතුලු ආණ්ඩුවට සහය පළකරන පුවරු ප්රදර්ශණය කරමින් සහ සටන් පාඨ කියමින් පැමිණි කුඩා කණ්ඩායමක්ද අද පෙරවරුවේ ගාලු මුවදොර පිටියේ දැකගත හැකිවුණා.කෙසේවෙතත් ආණ්ඩුවට විරෝධය පළ කරමින් උද්ඝෝශණයේ යෙදුණ තරුණ පිරිස එම අවස්ථාවේ කිසිදු කලබලයකින් තොරව සිය විරෝධතාව පවත්වාගෙන ගිය බවයි අපට දක්නට ලැබුනේ.
